ബ്ലോഗെഴുത്തുകാരുടെ കൂട്ടത്തില്‍ ചിലര്‍ക്ക് ഒരു ധാരണ ഉണ്ടത്രെ, ബ്ലോഗെഴുതാന്‍ നല്ല കഴിവ് വേണമെന്ന്. അത് തെറ്റാണെന്ന് തെളിയിക്കാന്‍ വേണ്ടി കൂടിയാണ് ഈ ബ്ലോഗ്‌.. എഴുതുന്നത്. ബ്ലോഗെഴുതാന്‍ നല്ല കഴിവ് വേണമെന്ന് നിര്‍ബന്ധമില്ല, നല്ല താല്പര്യം മതി. മറിച്ച്‌ നല്ല ബ്ലോഗെഴുതാന്‍ നല്ല കഴിവ് തന്നെ വേണം. അത് എല്ലാവര്‍ക്കും പറ്റിയ പണിയുമല്ല. ഇതു പറയാന്‍ ഈ കഴുവേറിയുടെ കാര്യമുണ്ടോ എന്ന് ചിന്തിക്കുന്നവരോട് "ബ്ലോഗില്‍ ചോദ്യമില്ല" എന്ന് മാത്രമേ പറയാനുള്ളൂ. അല്ലെങ്കില്‍ തന്നെ ബ്ലോഗ്ഗെറില്‍ ആവശ്യത്തിനു ബ്ലോഗെഴുത്ത്കാരില്ലാഞ്ഞിട്ടോ പുതുതായെന്തെങ്കിലും പറയാന്‍ ഉണ്ടായിട്ടോ അല്ല ഈ പണിക്കിറങ്ങി തിരിച്ചത്. പ്രത്യേകിച്ച് പണിയൊന്നും ഇല്ലാഞ്ഞിട്ടും പറയാനുള്ളത് പറഞ്ഞേ തീരു എന്നുള്ളതും കൊണ്ടാണ്. അതിനിയിപ്പോ നാല് പേര് വായിച്ചാല്‍ സന്തോഷം വായിച്ചില്ലെങ്കില്‍ അതും വേറൊരു സന്തോഷം. 'ബ്ലോഗെഴുത്തുകാരനും തന്‍ ബ്ലോഗ്‌ പൊന്‍ ബ്ലോഗ്‌' എന്നാണല്ലോ ബ്ലോഗറിന്റെ പ്രമാണം. എന്തെങ്കിലും കാര്യമുണ്ടായിട്ടല്ല പറയാന്‍ വേണ്ടി പറഞ്ഞെന്നു മാത്രം. പറയാനാണെങ്കില്‍ വളരെ ഉണ്ട് താനും.അതിനി മറ്റൊരു പോസ്റ്റിലാവാം.അങ്ങനെയും ഒരു പതിവുണ്ടല്ലോ, പറയാനുള്ളത് പതം വരുത്തി മുറിച്ച് മുറിച്ച് പറയുന്ന രീതി. എന്നാലങ്ങനെയാവട്ടെ! ആര്‍ക്കാനും വേണ്ടി ഇതിങ്ങനെ ഒരു ബ്ലോഗ്‌!!
ശുഭരാത്രി!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ